ఆర్టీసీ నేషనల్ మజ్దూర్ యూనియన్ గౌరవ అధ్యక్షుడిగా వేముల సాంబయ్య గౌడ్
సర్కార్ టీవీ న్యూస్ / వరంగల్ జిల్లా : నర్సంపేట ఆర్టీసీ డిపో నేషనల్ మజ్దూర్ యూనియన్ (NMU) గౌరవ అధ్యక్షుడిగా నర్సంపేట పట్టణానికి చెందిన వేముల సాంబయ్య గౌడ్‌ను నర్సంపేట శాసనసభ్యులు దొంతి మాధవరెడ్డి గురువారం రోజున నేషనల్ మజ్దూర్ యూనియన్(NMU) నాయకుల సమక్షంలో ప్రకటించారు.నర్సంపేట పట్టణంలోని ఆర్టీసీ డిపో ఉద్యోగులు, కార్మికులు ఏర్పాటు చేసుకున్న నేషనల్ మజ్దూర్ యూనియన్ నాయకులు గురువారం రోజున ఎమ్మెల్యే క్యాంపు కార్యాలయంలో ఎమ్మెల్యే దొంతి మాధవరెడ్డి ని కలిసి యూనియన్ గౌరవ అధ్యక్షుడిగా వేముల సాంబయ్య గౌడ్‌ను నియమించాలని కోరారు.వారి అభ్యర్థన మేరకు వరంగల్ జిల్లా కాంగ్రెస్ పార్టీ ఉపాధ్యక్షులు, నర్సంపేట మున్సిపాలిటీ మాజీ ఫ్లోర్ లీడర్ వేముల సాంబయ్య గౌడ్ ను ఆర్టీసీ నేషనల్ మజ్దూర్ యూనియన్ గౌరవ అధ్యక్షుడిగా ప్రకటించారు.ఈ సందర్భంగా ఆర్టీసీ ఉద్యోగులు వేముల సాంబయ్య గౌడ్‌ను శాలువాతో సన్మానించి, మిఠాయిలు పంపిణీ చేశారు.అనంతరం వేముల సాంబయ్య గౌడ్ మాట్లాడుతూ.. ఆర్టీసీ కార్మికుల సమస్యలను ఎప్పటికప్పుడు ఎమ్మెల్యే దొంతి మాధవరెడ్డి దృష్టికి తీసుకెళ్లి పరిష్కారానికి కృషి చేస్తానని తెలిపారు.కార్మికుల మధ్య సయోధ్యను పెంపొందిస్తూ, ప్రయాణికుల సంక్షేమం, యూనియన్ అభివృద్ధికి పాటుపడతానని పేర్కొన్నారు. ఎమ్మెల్యే దొంతి మాధవరెడ్డి గారి సూచనలను పాటిస్తూ కార్మికుల సంక్షేమానికి కృషి చేస్తానని అన్నారు.తనపై నమ్మకంతో గౌరవ అధ్యక్షుడిగా ప్రకటించినందుకు ఎమ్మెల్యే దొంతి మాధవరెడ్డి గారికి వేముల సాంబయ్య గౌడ్ ప్రత్యేక కృతజ్ఞతలు తెలిపారు.ఈ కార్యక్రమంలో పిఎన్ రావు,బి. సాంబయ్య,ఆకుల స్వామి,ఎండి.రఫీ,జిల్లెల సంపత్,జీకే స్వామి,గడ్డం శ్రీలత,తాటికొండ యాదయ్య,రూపిక సుమన్, ఎస్.రవీంద్రాచారి,కాంగ్రెస్ పార్టీ నాయకులు,ఆర్టీసీ ఉద్యోగులు, కార్మికులు తదితరులు పాల్గొన్నారు.
-----------------------
Reporter
మరిన్ని వార్తలు
.jpg)
.jpg)
1.jpeg)
.jpeg)
.jpeg)
Developed By :
