తక్కువ ఖర్చుతో నాణ్యమైన ఉన్నత విద్య... 2024-25 విద్యా సంవత్సరానికి అడ్మిషన్లకు చివరి తేదీ ఆగస్టు 31
సర్కార్ టీవీ న్యూస్ / సూర్యాపేట జిల్లా : డాక్టర్ బి.ఆర్ అంబేద్కర్ ఓపెన్ యూనివర్సిటీ ద్వారా తక్కువ ఖర్చుతో నాణ్యమైన విద్యను అందిస్తుందని డాక్టర్ బీఆర్ ఓపెన్ యూనివర్సిటి దృశ్య శ్రవణ మాధ్యమం పరిశోధన మరియు అభివృద్ధి కేంద్రం డైరెక్టర్, డీన్ సామాజిక శాస్త్రం ఆచార్య శ్రీనివాస్ వడ్డాణం తెలిపారు.బీఆర్ఏఓయు అడ్మిషన్ ప్రక్రియ ప్రచారంలో భాగంగా సూర్యాపేట జిల్లా కేంద్రంలోని ఎస్వీ డిగ్రీ కళాశాల స్టడీ సెంటర్ ను సందర్శించారు. అనంతరం ఏర్పాటుచేసిన విలేకరుల సమావేశంలో ఆయన మాట్లాడుతూ డాక్టర్ బిఆర్ అంబేద్కర్ ఓపెన్ యూనివర్సిటీలో అందరికీ నాణ్యమైన విద్య అందుబాటులో ఉందన్నారు.డిగ్రీ, పీజీ , డిప్లమో సర్టిఫికెట్ కోర్సుల్లో అడ్మిషన్లు ప్రారంభమైనట్లు తెలిపారు. ఈ కోర్సుల్లో ప్రవేశం పొందేందుకు ఆసక్తి గల అభ్యర్థులు ఈనెల 31 లోగా ట్యూషన్ ఫీజు చెల్లించవచ్చని చెప్పారు.రెగ్యులర్ డిగ్రీ, పీజీ, డిప్లొమా కోర్సులు చేయలేని విద్యార్థులకు, గృహిణులకు, ఉద్యోగస్తులకు, వ్యాపారులకు, జీవితంలో ఉన్నత స్థానాలకు చేరుకోవాలనుకొనే వారందరికీ అంబేద్కర్ ఓపెన్ యూనివర్సిటీ ఓ వరమన్నారు. గత 44 సంవత్సరాలుగా అన్ని వర్గాల వారికి నాణ్యమైన విద్య ను అందిస్తుందన్నారు. యూనివర్సిటీ నాక్ - ఏ గ్రేడ్ ను కూడా సాధించిందని తెలిపారు.డిగ్రీ కోర్సులు సెమిస్టర్ సిస్టంలోను, పీజీ కోర్సులు ఇయర్వైజ్ స్కీంలో నిర్వహిస్తున్నట్లు తెలిపారు. కాంటాక్ట్ తరగతులతో పాటు స్టడీ మెటీరియల్ ను విద్యార్థులకు అందజేస్తున్నట్లు చెప్పారు. వివిధ వృత్తిలో పనిచేస్తూ కూడా ఓపెన్ వర్సిటీలో డిగ్రీ, పీజీ కోర్సులను పూర్తిచేసుకునే అవకాశం ఉందన్నారు. తెలంగాణ రాష్ట్రంలోని స్టడీ సెంటర్లలో ప్రవేశాలు పొందేందుకుగాను విద్యార్హతలు, ఫీజులు, కోర్సుల వివరాలను వెల్లడించారు. www.braouonline.in లేదా www.braou.ac.in వెబ్ సైట్ ద్వారా ప్రవేశాలు పొందవచ్చని పేర్కొన్నారు. యూజీ ద్వితీయ, తృతీయ సంవత్సరం, పీజీ ద్వితీయ సంవత్సరం విద్యార్థులు ఫీజు చెల్లించేందుకు కూడా ఈనెల 31 వరకు అవకాశం ఉందన్నారు. టీజీఎస్ పీఎస్, సివిల్స్ స్థాయి పోటీ పరీక్షలకు ఉపయోగపడే విధంగా పాఠ్యపుస్తకాలను రూపొందించినట్లు తెలిపారు.పూర్తి సమాచారం కోసం, సందేహాలుంటే సమీపంలోని అధ్యయన కేంద్రాల్లో సంప్రదించాలన్నారు. డిగ్రీ పూర్వ విద్యార్థులు రెండో, మూడో సంవత్సరంలో సకాలంలో ఫీజులు చెల్లించ లేకపోయిన వారు 2016-17 నుంచి 2023-24 వరకు, పీజీ ద్వితీయ సంవత్సరం 2023-24 వరకు గల పాత బ్యాచ్ల విద్యార్థులు కూడా ట్యూషన్ ఫీజులు చెల్లించవచ్చన్నారు. మారుతున్న కాలానికి అనుగుణంగా కంప్యూటర్ స్కిల్స్, సాఫ్ట్ స్కిల్స్, సైన్ అండ్ టెక్నాలజీలలో పలు కోర్సులు రూపొందించినట్లు తెలిపారు. యూనివర్సిటీ రిజిస్ట్రార్ ఈ. సుధారాణి ఫోన్ ద్వారా అడ్మిషన్లు ప్రక్రియ గురించి వివరించారు. ఈ సమావేశంలో స్టడీ సెంటర్ కోఆర్డినేటర్, ఎస్వీ డిగ్రీ కళాశాల ప్రిన్సిపాల్ కెప్టెన్ డాక్టర్ వి.వెంకటేశులు తదితరులు పాల్గొన్నారు...
-----------------------
Admin
మరిన్ని వార్తలు
.jpg)
.jpg)
1.jpeg)
.jpeg)
.jpeg)
Developed By :
