అమ్మాయి నుంచి మెసేజ్ దిమ్మతిరి బొమ్మ కనిపించింది...
సర్కార్ టీవీ న్యూస్ / హైద్రాబాద్ : ఆయన వయసు 79.. అమ్మాయి నుంచి మెసేజ్ రాగానే ముందు వెనుకా ఆలోచించకుండా టెంప్ట్ అయిపోయాడు. న్యూడ్ వీడియో కాల్ చేయగానే సంబరపడిపోయాడు. కట్ చేస్తే దిమ్మతిరి బొమ్మ కనిపించింది. నన్ను కాపాడండి అంటూ పోలీసులను ఆశ్రయించాడు. ఇంతకీ ఆ వృద్ధుడు ఏం చేశాడు? అమ్మాయి ఏం చేసింది? పోలీసులను ఎందుకు ఆశ్రయించాడు? అసలీ ఘటన ఎక్కడ జరిగింది? ఈ క్రైమ్ కహానీ ఏంటో తెలుసుకుందాం...హైదరాబాద్కు చెందిన 79 ఏళ్ల వ్యక్తికి వాట్సాప్లో ఓ అమ్మాయి మెసేజ్ చేసింది. ఎవరు? ఏంటి? అని ఆలోచించకుండా అతను అమ్మాయితో చాటింగ్ చేశాడు. ఆ తరువాత న్యూడ్ వీడియో కాల్ మాట్లాడుదామంటూ కవ్వించింది. అయితే, తాను బయట ఉన్నానని ఆయన చెప్పడంతో.. మరికొద్దిసేపట్లో కాల్ చేస్తానని, బాత్రూమ్ నుంచి వీడియో కాల్ మాట్లాడుదామని అడిగింది. దాంతో టెంప్ట్ అయిన ఆయనగారు.. ఇంటికెళ్లి, బాత్రూమ్లో గడియ పెట్టుకుని వీడియో కాల్ చేశాడు. ఇంకేముంది, ఈయనకు అసలు కథ తెలియదు కదా.. అటు నుంచి వీడియో కాల్ స్క్రీన్ రికార్డ్ చేశారు. ఆ తరువాత కొంతమంది వ్యక్తులు వృద్దుడికి కాల్ చేసి సోషల్ మీడియాలో వీడియో అప్లోడ్ చేస్తానంటూ బెదిరింపులకు పాల్పడ్డారు. మీ ఫ్యామిలీ మెంబర్స్కి వీడియో సెండ్ చేస్తామని బ్లాక్మెయిల్ చేశారు. కాసేపటి తరువాత పోలీస్ యూనిఫామ్లో ఉన్న మరో వ్యక్తి పోన్ చేసి కేసు బుక్ అయ్యిందని భయపెట్టాడు. దాంతో వారు అడిగినంత సమర్పించుకున్నాడు. మూడు రోజుల్లో మొత్తం రూ. 15 లక్షలు వసూలు చేశారు. ఇంకా డబ్బులు కావాలని వారు డిమాండ్ చేయడంతో.. సైబర్ క్రైమ్ పోలీసులను ఆశ్రయించాడు. బాధితుడి ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేపట్టారు.
-----------------------
Admin
మరిన్ని వార్తలు
.jpg)
.jpg)
1.jpeg)
.jpeg)
.jpeg)
Developed By :
